وجعـك
مزروع
زي التـوت
قدام الدار
احلامك
عصافير
بتطير ف النار
والفجر
بيفتل بإيديه
مشقة لـ نهار
والصبح المحني
العاجز إنه
يكمل مشوار
والنور المتكعبل
مش عارف تمسك
اول خيطـه
فـ إيدك
مش عارف
تهرب مـ الضلمه
خايف لـ تشوف
ف مرايتك
وش ماهوش وشك
صدقنــي
مش هتغشك
إنت اللي حاولت
تغيـر كل ملامحك
ربنا مش هيسامحك
واقفل جرحك
لو بـ تراب الفرن
لساك بتعافر
علي باب كافر
مش عايز مرة
تصـدق
صبحك مش هيشقشق
ولا حتي العصافير
هتطير علي توتك
وإن القطر
اللي إنت بتستناه
هيفوتــك
والشرنقة مش بيتك
مش عايز مرة
تصـدق
كل الغاضل منك
صوتـك
وإنك زي
خيال الغيط
من غير روح
ميــت
وإنك زي خيال الغيط ..
من غير روح "ميت"!!
....................
الشاعر / أشرف الشناوي