لما احس بإنى قابلك
ابقى اقابلك
اصلى خايف وبصراحه
من كتير خدعونى قبلك
لعبوا بيا وبمشاعرى
وابديت اعشق قلوبهم
زى قلبى ما حب قلبك
.....
بس هم حبيبتى خانوا
اخدوا قلبى من مكانه
دبّلوا الورد ف اوانه
حذّروه لو يمشى دربك
....
فأسمحيلى ابعد حبيبتى
من سكات
إوعى تيجى تحى نبض
لقلب مات
مش ح تتحرّك مشاعرى
مهمّا تتحرك مشاعرك
...........
اللى عاوزة الصدق بس
يكون تالتنا
وانى اعوّض كل لحظة
شوق فاتتنا
وانى ابطّل انخدع
ف وشوش خانتنا
وانى اسيب الكون بحاله
لاجل قربك
لو احس ان انتى صادقة
وقتها ......
ممكن أحبك ..!!
.......
أحمد حسن عمر