محتاجالك...بقلم الشاعر الكبير / محمد البنا

 

قلبي لما ف يوم نادالك
محتاجالك
كل نبضة ف قلب روحي
مشتاقالك
كل رعشة ف ليل رموشي
كان مناها ف نور وصالك
ليه بعت الرد صمتك
لما قلبي بشوقه جالك
واشتكالك من جروحهُ
ليه ما صونتش همس بوحهُ
ف جوف وريدك
او حضنته ف كف إيدك
ليه بدالك
إنه نزوة شوق وعدت
وإن حبه مش حقيقي
ده أنت لو حسيت بشوقي
كان زمانك ضله فوقي
وما اتحرقتش من سكوتي
موتي كان هو اختيارك
سبت نارك قايدة لكن
كت ما بين قلبك وبيني
قلبي مات
لما مات الحب فيه
ومات ... حبيبه

............

محمد البنا