ولإنك حابب مش ترفيه
مضطر تضحي
لانك عاشق ميّت فيه
مضطر تضحي هتعمل إيه ؟
مضطر تخلّي مشاعرك بس
وكل شعورك في هضحيه !
مضطر وعاشق مضطرة
مش قادر..
محتار تختار
تتحجج انها مش حرة
مقدرتش تاخد ليها قرار
تبعد وتسيب
وتموت كحبيب
او تفضل انت المضطر
تستطعم يوميا بيها
كل معاني الحب المر
تتمسك بس بإصرار
وتصر تصر تصر تصر
انها بردو هي المحبوبة
تتناسب عكسي مع المنطق
تعشق مع انها مرغوبة
مهو يمكن علشان مرغوبة
بعادات أزلية مع التقاليد
دا الي مخليني قريب منها
ومحسش لحظة كإني بعيد
تقاليد جاية لنا بسذاجة
ده انتي حاجه ف كل حاجه
ف حنِّي ع الناس الغلابه
ده انتي دمعة فرحي بردو
وانتي إحساسي الي ساردوا
يعني حاجه مشكلة
وان كنتوا ناس
عاداتكوا صعبه
تقاليدكوا بردو مقفله
نقدر نحضّر فيها عادي
هنحلها دي المسألة
بمجرد الهمسة انسحرت
بمجرد النظرة اتخطفت
بجمال عيونك دولا خوفت
اني ليكي اتشد اكتر
كل الي يسالني انت مالك
بقوله لا ماليش خلاص
شايفِك وبس قصاد عيوني
ومش معاكي أي ناس
الكادر مش جايب سواكي
مع اني لما حكيت معاكي
حسيت كإنك بنت بنتي
بس انتي أكبر مني ياما
مردتش اقفِّل ف الكلام
مارضيتش اقول مع السلامه
واي بعد خلاص هتآخره
يمكن طريقي طويل صحيح
بس الأمل هيهلّ آخره
مش عارف أبطل وانساكي
ولا عارف أبطل اقول للناس
زي الطفل بعشمه ف حاجه
بيتعشم فيها بإخلاص
وبراءه بجد
وأناني لابعد أبعد حد
ف ما بالك لو عاقل متطفل
عايش ليكي وميّت فيكي
وفيكي براءه حقيقي تغفِّل
أكتر مانا حابك وبحسك
الناس لو قرروا نسيانك
فانا أكتر واحد متمسك
لو حتي الشط التاني
بعيد
ف هكون بحار وهبحَّرلك
وبالنسبة لي إنتي الاوطان
وعشقت اكون ليكي كضلك
واذا كان حتى طريقي طويل
بس انا متأكد هوصلك
.............
عبد الله حسين