وليه يعني ؟
تغيب الشمس
وليل الأمس يتمدد
وجع ف الروح ملوش آخر
وليه يعني ؟
ليالي الفرح تتاخر
لبحر دموع
أنا الموجوع وأنا الساكت
على هجرك
وشوقي قلوع
مراكب حب ليه تاهت
متعرفشي طريق لرجوع
ولا مرسى
ولا بتنسى
رموش ع الشط فكراها
ومنعاها ف ليل ترسى
يا ليل أقسى ما فيك حرمان
أنا العطشان ونهر حنان
قصاد مني
وحارمني
أبل وريد
أمد الإيد
تحف سراب
أمل كداب وقال فاكر
بإنه حبيب
حبيبي منين !!
.............
محمد البنا