أنا والموت زمان كناكأنّا أخوات
يعدي العمر ما بينا
ساعات فرحة وحزن ساعات
وفجأة .. مات
ف عشت سنيني وحداني
يهف الشوق ف وجداني
ويسرح ف الخيال بيّا
أشوفهُ بيجري ف عنيا
ويتدارى ف قلبي ساعات
تشوفني الناس على القهوة
ف يتلموا حواليا...حبيبك فين ؟!
أداري الدمعة ف عنيا
حبيبي ...مات
وبعد سنين يقابلوني
آتاري الناس ما بتموتشي
يدوسوني ..
يشدوا رموشي من عيني
يلموا ف نبض شراييني
ويرموا النبض ع الطرقات
وإني أموت !!
وأموت إزاي ؟!!
ما دام الموت سبقني ومات !!
.............
محمد البنا