يا نهار قديم
شبه اللى فاتو و زيهم
ما بتختشيش
لا ضحكت مرة للأمل
دايما دموع ما بتنتهيش
مش قلت مرة هنبتدى
نرسم على الوش ابتسام
و حلفت توفى بموعدى
و تكون لكل الناس سلام
ليه تخلف المواعيد كدا
ليه جى و فى حضنك وجع
ليه تبدل الاحلام خصام
وبتنسى ما قاله الودع
شاطر اوى ف جرح القلوب
و بيطربك صوت البكا
كان يجرى ايه لو يوم تتوب
فتكون حكاية ... و تتحكى
اسف اوى لو قلتلك
انك بقيت اصعب مرار
هاستنى ليل و هاصدقه
و انساك ف سكة الانتحار
..............
فهمي على نصر