باخاف منك
و انا من جوا
شئ منك
مخبى الدمع فى عيونى
و مستنيكى تنادينى
و من وجعى تخبينى
تحسى انى كتير باهرب
عشان مرة .. تضمينى
و مدى ايديكى جوايا
و انا بردان و دفينى
و لمى مشاعرى ... حسيها
انا فيها
ولد هيمان اوى فيكى
بيضحك ضحكة و يدارى شروخ روحه
عشان خايف تبكيكى
ولد لساه برغم سنين كتير عدت
بيتعلم حروف عشقك
عشان عايز
و بيتوه فى الطريق ليكى
و يرجعلك ... يقول جايز
و ما بيحسبش بالواحدة
و لا نفسه يكون فايز
......
فهمي علي نصر