انتى اللى جرحتى ف قلبك
انتى اللى هــــدمتى البيت
ف بـلاش كل امّا أعـاتبك
تقوليلى ياريت .. وياريت
...
أنـــا يـاما نصحت جنابك
راح تخسرى بعدى كتير
انســـان بيحبك جـــــــداً
مخلص، عـاشق بضمير
كان صادق طول اوقاته
كان واهــب ليكى حياته
وعشان كان على نيّاته
أتحـمّــل ظـلــم كـتـــير
...
كان رغم شيطان افكارك
انســان طيب وأمــــــير
.....
كان راضى بكل عـــمايلك
كان كــاتم نـاره وشــايلك
بيقول بكــــــره ح تتعـدّل
والحب يفيض قـنــــاطير
.....
دلوقتى دموعــــك نازلة
على ذكـرى وحب كبير
م انا قلت كتير لو فاكره
بس انتى مافيش تفكـير
الحب يموت لو ناكره
أو كان من غير تقدير
......
انا عمرى ما حبيت غيرك
ولا عمــــرى اشتقــت لحد
شكـــراً كــدا كـتـّر خـيرك
درس إتعــلمـته بــجـــــــد
ان اللــى يــــــآمـن لـيكـى
ح يواجـــه أقســـى مصير
.......
انا كنت باقـــولك حـاضر
وسامحت كتير ف حقوقى
زى التلميذ الشـــــاطـر
دلوقـتى باقـولك : فـوقى
بالرغــم إن انا حــــذرتك
وتعـبت مـــن الــتحــذيــر
.......
كل اللى قــالـولك : إمشى
وســيبى له قـــــوام البيت
دلوقتى ســـــابوكى بتبكى
وبتحلمى لـــو عــــــــدّيت
....
لكن مش هـ ارجـع تـــانى
ولا يوم هـ ارضى إنّى اعانى
فى كتيرة حاجات منعــانى
مــع انــّى صحيح حـــــنّيت
.....
كان نفسى اقولك عــودى
واعزف لك لحن بعـودى
واقولك شدّى ف عـودى
وانــده لك لـــــــو غنّيت
.......
ازاى انا ارجــــع ليكى
من بعد ما بعتى فؤادى
حلمك لو كنت انا عايش
كان ممكن يصبح عادى
...........
أحمد حسن عمر
اشكرك استاذة منى الغريب شاعرتنا الأنسانه الغاليه
ردحذفعلى اهتمام حضرتك