كل مشـــــاعرى اتخلت عنّى
اخـــــدت قلبى وراحت ليكى
عملوا مؤامره وغصب عنّى
كنت باغنى وفــرحــان بيكى
واما عاتبت القلب صارحنى
قــال بيحبك ، دايــــب فيكى
ساب لياليا وسابنى لواحدى
لجل يعيش فرحـــان لياليكى
فاتنى لواحدى وعــارف انه
راح يرضينى ان كان يرضيكى
وانا دلوقتى ح اقولك حاجه
وحياة احلى واغلى ماليكى
هاتى القلب اللى ماليش غيره
هاتى مشاعـــرى الله يخليكى
انا مش نـــاقص فكر وحيرة
انا مش فـــاضى الله يهديكى
...........
أحمد حسن عمر