بحس الكلمه وخداني
بتكتبني وأنا المكتوب
ورغم إني مانيش دارس
بحور الشعر والمنسوب
يزيد عندي يقوم فايض
والاقي من الحروف أسلوب
ف عز الليل يناديني
يقول كمل وانا المسلوب
إراده مفيش لكن عادي
بحس الشعر زي التوب
يغطيني وأنا فرحان
وارمي همومي لو مرعوب
ساعات باكتب كلام مفهوم
ساعات باكتب كلام مقلوب
لكن إحساسي جوابا
حياة تانية وناس وقلوب
أنا العاشق لموالي
أنا اللي لسه بتعلم
واكون عند الحروف محبوب
.............
أحمد عبدالقادر