جربتى اﻷه ؟
جربت تحلى اللغز بلغز
فا يتوة معناه ؟
جربتى تتوهى كما الراويش
في بلاد الله ؟
جربتى القهر
وكسر الضهر
ورمى الزهر . على الطاولة
والحظ ماجاش ؟
كان إيه أولى
من مين وبأيه ؟
سؤالاتك رغم تكفى الكون
يرجعلك برضة الرد ب ليه ،!!!!!
طب وجع القلب وحرق الدم
وسهر الليل .
هل خدتى عليه ؟
بتشيلى كتير؟
أنا زيك برضه باشيل وباشيل .
مانكرش عليكى مرار الحمل
شايلانى وشايله هموم بالكوم
صاحيانى عيونك وقت النوم
ومافيش فايدة
النار خمدانة ومش قايدة
والبرد شديد
وبيوعد يمشى وييجى العيد
وبرغم الوعد . العيد مايجيش
يمكن علشان بيخاف منك ؟
يمكن علشان حاول جدا
يبقالك م النظرة الأولى
غلبان العيد على باب قلبك
كل اما يخبط على بابك
بيلاقي بيبانك مقفوله
.......
لو يعرف اية سر الفوله ؟!!!!!
..........
محمد متولي