وبرغم المعاصي بحور
والتوبه شايفها سراب
دوامه تلف ذنوب
بتقوله الأمل كداب
والصدق اللي بينجيه
ده ف رمل الخطايا داب
والهلب اللي ماسك فيه
راح يغرق ما حبله ساب
والعمر اللي راح بحار
مطلعشي ف يوم ع البر
بيقدف مع التيار
بيقابلو لسان الشر
والخير اللي بالقنطار
مستني هناك ع الشط
ليه حابب تكون ف النار
ف الذنب الكبير بتغط
صفارة ندم بتقول
اهو جالك لحد الباب
و عذابك معدي الطول
والنفس الأخير بحساب
ماتغير ف خط السير
وتزيح المعاصي بعيد
وتحود ف بحر الخير
والمركب هتبقى حديد
والبوصله ظابطها معاك
ع الصالح من الاعمال
وعوامه تقي وياك
بتظبط ميزان لو مال
والنيه شبك مفتوح
اتوكل وافرد فيه
لو قلبك ف لحظه يبوح
ف حسابك ما تسأل ليه
..........
محمد ابراهيم