و عن ناس ضحكهم عيرة
مدارى الف تكشيرة
بتجرى فى دمهم غيرة
قلوبهم مرضانين بالشر
فى وشك يمدحك و يقول
و يكدب عرض .. يكدب طول
ورا ضهرك و لا ابن سلول
لسان امه بينضح مر
يكيد لك كيد و لا ابليس
و شاطر جد فى التدليس
و لا بيحسب و لا بيقيس
خسيس لكن بيعمل حر
عينيه م الحقد ما تنامشى
و مهما عمل ما يندمشى
علم عامل ما يعلمشى
و عاشق كل لحظة يضر
يقول عنك و عن غيرك
و ينكر ع الملأ خيرك
يهين سيرتك يشين سيرك
و ماشى فى الذنوب بيجر
.........
فهمى على