بتسقينى المرار ... و ارضى
و اقول الفرض ... يتقضا
ونفسى اصلى علشانك
يا ريت تسيبينى اتوضا
ما انا راح اصلى و ادعيلك
و اقوى ضهرى على شيلك
يجوز لحظة صفا منى
تعيد النور لقنديلك
يجوز لو تحضنى قلبى
اكونلك سكة تمشيها
تجيب الصبح على بابك
تجيب لك ضحكة تعيشيها
ما انا اللى بعتلك روحى
و حطيت عمرى فى كفوفك
و دفيتك ف يوم بردك
و امنتك فى يوم خوفك
و انا اللى لسه باحتاجلك
و دقة قلبى عشقاكى
لا قادرة تكرهك روحى
و لا قلبى بينساكى
.........
فهمى علي