و الله ما بخزى العين
و لا حتى خايفه من حسد
كبر و صلى على النبى
م الجمعه إلى يوم الأحد
ولع بخور حوالين مقام السيده
قيد الشموع
جايز دموعك تنجلى
يا آيها الملك الذى
كش ف مكانك و انزوى
كتر قصايدك ف الهوى
و اوعى لحرفك ينطوى
معادش فاضل م اليفط
حتة قماش و لا حتى قصقوصة ورق
كله اتحرق
وفر غرامك و اشترى حبة حبأ
ابعت رساله لهدهدك
يسبقنى على ملكة سبأ
و يقولها عرشى اتسرق
حبى خلاص عنك صبأ
و رجع لدينه الأولى
قلبى استعاذ من الشيطان
و معادش نافع حبهان
و لا مستكه
خللى الاعادى يشمتوا
و يفرحوا فينا العدا
و ابعت حصانتك للسبق
قول للوزير بطل يغير
هدد حصونك كلها
بطل بقى شغل الجنان
و الفزلكه
و تقول لى آل نبنى السدود
نعمل حدود
و نمحى كل الأفئده
أسد عليه مليون حرس
يعنى محصلتش ولى
.......
جهاد زيادة