انا مش يوسف. .ولا كنت امين
على خزنه وكات فيها قلوبكم
انا من توبكم بخطئ وبتوب
وانا مش ايوب
ولا كان للصبر فى قلبى مكان
دايما مستعجل ع الاحزان
وبروح للجرح برجليا
دمع عينا ..على ناس فى الدنيا
ماهيش هيا .دايما بيسيبلى ف قلبى
جروح ..الدنيا طوفان ومكنتش نوح
وغرقت ف اول شبر الام
انا كنت سلام وسط حروبكم
زهر الاحلام جوه قلوبكم
انا عمرى ما فكرت افوتكم
سبتونى ف عرض البحر وحيد
انا طول عمرى بعيش الوقفه
لكن ولا مرة قابلت العيد
ملعونه الدنيا دى ما بتديش
افضل اشياء
الدنيا نفاق وخداع ورياء
ومابينهم كدب وغش وخوف
الدنيا ظروف دايما بتعاكس ف غلابه
الدنيا صحيح اكبر غابه
مليانه ديابه وبنى ادمين ..
ومابين لاتنين
مش عارف اعيش محسوب
طول عمرى من الحرافيش
والحلم بيتلخص بمفيش
الليل بيقصر ف ساعاتى
والحزن مقصقص جناحاتى
وانا فاتح ليكم دراعاتى
القاكم خنجر بيمزع
احزان الكون لو تتوزع ما هتلقى مكان
غير على شطى مش قادر للفرح اخطى
او اروحله هناك
الدنيا هلاك مفهاش منجى
وبتعزف دمع على كمانجه من غير عازف
وانا مش عارف اخرتها معاكى
يا دنيا لفين
.........
احمد_النجار