الطيب دايما ينداس
والمجرم ينشال ع الراس
ياعالم على أى أساس
المجرم نقعد نداديه
الطيب نرميه فى البير
وتخافوا نظرة شرير
بصراحه الامر خطير
بتجاملوا فى الباطل ليه
الطيب مخلص متسامح
من طيبته بيحب يصارح
ويراضى الغضبان ويصالح
والعشره ماتهونشى عليه
والمجرم عايش بدراعه
تجروا له ان شاور بصباعه
وقلوبكوا بالغصب تساعه
ده مجرم وبتشكروا فيه
الطيبه مش ضعف دى قوه
والطيب فيه عنده مروه
لو يغضب رح يبقى فتوه
الطيب ربى يخليه
..........
احمد عبد الوهاب