خالتى وخالتك والخالات اتفرقوا
مات اللى مات
أطفال بنات
وصل السكات
آخر حدود الممكنات
ف بقينا غصب نصدقه
غزة اللى فيها لحمنا
على نار بيغلى ويستوي
غزة بكارة شمسنا
آخر شنب ممكن
يزين وشنا
والأمة لو جابت سيرتها
يشرقوا
أمة كبيرهم يسرقوا أو يحرقوا
قلب الغلابة بالسكات
عايشين على الحس اللى فات
أمة شلل ماعارفة طعم
المعجزات
ولاتعرف ايه معنى الضنى
والضهر لما يتنى
من ضعفها
أمه ونسيت ربها
نساها كل الممكنات
فيها الغوازى تترفع فوق
الكتاف
زهرة شبابها اللى اتفاق ويا الوجع
ومع الحقيقة علي خلاف
كل السنين صبحت
عجاف
مش ناوية تطلع
شمسها
مبسوطة روحها
فى امسها
محتاجة كل الأنبياء
محتاجة كل الأولياء
محتاجة كل المبدعين
اللى بتكتب أغنيات
........
جيهان النجار