كنتى فين يا ضحكة لما
كنت باغرق ف اللى فات
و الامل خاصم مشاعرى
سابلى بس الذكريات
و الامانى الحلوة دبلت
و ابتدت سكة ممات
روحتى فين يا ضحكة كانت
من زمان بتقولى عيش
و املا دنياك بابتسامة
تبتدى و ما تنتهيش
و اما راحت هى منى
التقيتك ليه مفيش
روحتى ليه و نسيتى قلبى
وسط موج مليان وجع
مهما انادى و اقول باحبك
عمر صوتى ما اتسمع
غصت تحت الموج ليالى
و كنت صاحب للودع
ياما وشوشته و شكيتله
من بعاد طول عليا
من ليالى طويلة قاسية
جرحت كل اللى فيا
و انتظرته كتير يجاوب
راح و فات دمع ف عنيا
روحتى فين يا ضحكة قولى
ليه تدارى و ليه تخبى
لو صارحتى و لا بوحتى
مستحيل ينساكى قلبى
انتى واخدة الدنيا منى
ليه بترمى الشوك ف دربى
.........
فهمي علي نصر