يا حلم رافض الامتثال
لحاجات كتير مش طيبة
مش راضى بنصاص الحلول
و لا قابل الموت بالغبا
قرب كمان ... قرب اوى
حسسنى دايما بالامان
خدنى لبعيد
طول ما انت حاضن ضحكتى
برا الزمان
باشتاق انا لحكايتى فيك
لحظة ما اجيك
و الاقيك يا حلم بتترسم جوايا نور
و راسمنى فى كفوفك رضا
و حبة زهور
فانا .... اعشقك
من غير قيود كل البشر
فباصدقك
يا حلم رافض الامتثال
لحاجات كتير مش طيبة
انا حتة فيك
انا حاجة بيك
انا كل حاجة باحبها
بالاقيها مرسومة فى عنيك
يا حلم رافض الامتثال
لحاجات كتير مش طيبة
انا كلى ليك
.....................
فهمي علي نصر