مد ايديك للصبح و جيبه
و ارسم عمرك بالألوان
انسى الدنيا بحالها و جرب
من جواك تصبح إنسان
هد قصور الخوف ... انسفها
و ابنى فى روحك حصن أمان
علم قلبك يعشق نبضه
و اما يحب تقول حبيت
اوعى تدارى مشاعر حلوة
و ابقى تملى لحلمك بيت
لم حروفك و احكى لنفسك
و انسى .. و قول أنا مرة نسيت
صاحب ناس تشبهلك جدا
نفس الحلم و نفس الفكرة
ناس فى قلوبهم شئ يستاهلك
و ابقى استنى معاهم بكره
ناس فى غيابهم تبقى سيرتهم
لحن بيعزف اجمل ذكرى
مد ايديك للصبح و جيبه
و اخلق عالم كله براح
عالم يضحك لما بتضحك
و اما تحارب يبقى سلاح
و ارسم كل خطوطه بريشتك
و اختار امتى و فين ترتاح
.....
فهمى على