هابقى صبحك و ابقى ليلك
و ابقى ف طريقك دليلك
و ابقى مية و اكون فى نيلك
بس مرة تسمعينى
عمرى فاضل منه كام
هاديهولك بالتمام
روحى زهقت م الخصام
و انتى دايما تجرحينى
دوستى ليه ع الحلم بدرى
و بايديكى خنقتى فجرى
عمرى حتى ما كنتى فقرى
و لا كاسر حد عينى
اسألى قلبك عليا
اصله حاسس باللى فيا
قسوتك هى القضية
و انتى غاوية تظلمينى
عمرى ما قبلت انى اخونك
ديما محتاج انى اكونك
وقت عقلك او جنونك
كنتى فرض فى شرع دينى
هاتى ايدك قومى نبنى
و ان عجزت سايبلك ابنى
بس خوفك مش عاحبنى
فيه تملى بتسجنينى
صدقينى و كدبيهم
عمرك انتى ما كنتى بيهم
لما عنى بديتيهم
و من رضاكى بتحرمينى
صدقينى دواكى عندى
اصلى عمرى ما كنت افندى
و لا بيه راكبنى عندى
دا انت بس بتؤمرينى
اللى زيى كتير يلبوا
العجايز و اللى شبوا
و اللى عشقو و اللى حبو
الف عفت و الحسينى
............
فهمى على