أنت نوبى أو صعيدى
سيناوى واللا بورسعيدى
لو مسيحى واللا مسلم
بيكو جمعا قلبى يسلم
واحتفل يومها بعيدى
ياحبايبى انتم فى قلبى
كلكم من فضل ربى
قلبكم طبعا عليا
وانتوا عمرى ونور عنيا
وانا عمرى اعشق ولادى
لو تحس انى بافرق
يبقى انا لنفسى باغرق
ده ياأبنى مش حقيقى
الكبير منكم صديقى
والصغير له ودادى
التاريخ يشهد علينا
والكريم ربى مراعينا
وانتوا ياولادى الحمايه
انتوا فرشى وغطايا
بيكو يتحقق مرادى
أنا مصر ام الحضاره
البعاد عنى خساره
ياللا ياولادى تعالوا
نسبق العالم بحاله
لو هانبدأ م الساعادى
.............
أحمد عبد الوهاب