بحبـك لأنـــك جميلــة وحقيقــــــة
بحبــك لأنـــك عمــــرى اللــى كـــان
بحبــك أمـــل مكتـــوب فــوق جبينى
بحبـــــك شعـــاع مرســوم ع الحيطـان
يا حلمى الحقيقى اللى كان هو عمـرى
وفجــرى اللــى ضــوى حـدود المكان
بحبـــك بكـــل اشتيـــاق الســــنين
يا بكـره ... يا أمسى ... يا حلم الأمان
بحبـك لأنـــك حــــــدود الفــواصـل
وهمـــس الكــلام اللى راح واللى كان
سنــابــل غيطــانــك فـى ساعة البكور
بتبـــــدر أملهــــا فـــى كــل الغيطــان
بحبــك وحـــالــف أحمـــى سمــاكى
ولا ارجـــع لحضنـــك ف يـــوم مهان
لأنــــك ســـــلاحى ... وقـت المعـارك
ودفعـة قـوايـــا ف وســط الميـــدان
رسمتــك فى قلبـى نشيـــد ابتسـامى
كتبتــك فـــى شعــرى أغانـى الحنــان
وأنــده عليكِ... بشـــوقى اللــى ليــكِ
تــردى عليــــا .. يــا ســت الحســـان
وأفــرح واردد نشيــد الســـــلامـــــة
واسجــد لـــربــى يِــدِّيـــِكِ الأَمَــــان
منـــايـــا يــا أمــى وكـــل الأّمـــــانـى
يحميـــكِ ربــِّى مـن غّــدرِ الــزمــــان
بتنـــزل دمـــوعــــك علـى دم وِلْـــدِكْ
وتبكى بحســـرة علــى دم هـــــــــان
وَلِيِـــدِكْ وإبْنِــــكْ بيقتــــــل أخــــوه
وقلبـــك بينضــــح آلام وامتهــــــــان
وأَبكـى بحُــرقــة على مــوت شهيـدك
وأدعـى لــربـى يفــــوز بالجنـــــــان
غطايـا ف بــردى وضلى ف صيـفى
ونسمـــــة هــوايا .لقلبـى المــلان
بحبـــــك حـــدودى ولاغـى وجــودى
وبحـــلف أضحـى طــــول الــزمــان
وحــالـــف .. أَشَيِّـــدْ واعلِّــى بُنـــاكِ
وصــــوت المصــانع يهــز المكــان
وأشهـــد بإنـــك جميلــــة وحقيقــة
وأشهـــد بإنــك .....أم الحســـــــان
بحبــك.. بحبــك.. بحبــك.. بحبــك
يـا عمـرى اللى جـاى وعمرى اللى كان
...........
علي عبدالعليم
#مــــارس_2014م