تعبانين جوه الوطن
متغربين ....
تايهين في غابه من المحن
مستنيين ....
والحلم صرخة بتندفن
جوه السنين ....
وآهين وآه يا أهل البلد
يا مطحونيين....
والدفه حادفه مغمضه
شمال يمين ....
محتاره ليه يا سوسنه
واخدانا فين ....
ارجعيلي شمعه قايده نورى
ليلي الحزين ....
ارجعيلي ورده ناديه عطرها
يمحى الآنين ....
طمنيني فرحيني يا أم كل
المغرمين ....
أصل أنا مزروع فــ طينك
طب قوليلي كلمتين ....
لو مفيش مكان في حضنك
طب قوليلي نروحوا فين ....
برده خايف تهرسينا
يبقي تهنا مرتين ....
عشمانين يا طاهرة أوعى
مش هنحمل بطحتين ....
احنا منك وانتى لينا
واحنا ليكي ضي عين....
ساكته ليه ما تقومي يالا
لمي كل الزعلانين....
قومي يالا صلي فجرك
واحنا هنردد أمين ....
=============
ناصر على توفيق