اسمعيني لما اقولك
حاجه عني ما شفتهاش
لما اقولك قلبي حبك
لما اقولك قلبي عاش
احلي لحظه بين اديكي
كنت بدفع عمري كاش
وانتي بتقوليلي اسفه
بعتذر مفهمتهاش
كنت بفرح لما اشوفك
كنت بتخيل حروفك
كنت بكتب كل حاجه
حتي فرحك
حتي خوفك
كنت برسم بالحروف
لون ملامحك او كسوفك
كنتي لو غطانه اسامحك
واحضنك والمس كفوفك
ف النهايه جاني ردك
هي نظره وفيها صدك
من البدايه كنتي قولي
ليه بتتسلي بفضولي
تعرفي لو حد غيرك
كنت ابيعك
يلا روحي مع السلامه
افرحي وعيشي ربيعك
........
احمد عبد القادر