رمضان مش شهــر
ياميش وحاجـــات
ولا رص صاجات
رمضان حسـانات
رمضان فيه خــد
أكتر من هــــــات
رمضان صلوات
رمضان للفقرا مش البهاوات
رمضان خـــــيرات
رمضان دعــــوات
رمضان فيه زكــاة
رمضان فيه صلاة
رمضان لله
مش للشهوات
رمضان تسابيح
وصــــيام وقيام
رمضان اسلام
رمضان ما يسيبش جعان بينام
رمضان لو تعمل فيه حسنة
شوف تدّيك كــام
رمضان فيه دين
رمضان مش تين
رمضان بيصفّى البنى آدمــــــــين
رمضان فيه عطف على المساكين
رمضان دا كريم
رمضان تعاليم
رمضان ما يسيبش الفرد حزين
طول الأوقات
رمضان نفحات
رمضان بيخلى الكل اخوات
...........
أحمد حسن عمر