الحق مات فى زمانا ليه
والدنيا فانيا يا بشر !!!
الحب غاب والحقد ليه
ضل الجميع " أنثى وذكر " !!!
تلعب عليك دنيا العذاب
عايش فى ميت حالة اكتئاب
يا من القطط
يا من الذئاب
نفس الذهاب و الموت قدر
مكتوب على كل البشر
الحق غايب من سنين
والصمت صاب حلق الأمين
الحل فين ؟
إيه الخبر !!!
الصمت عار و الظلم نار
والخوف قرار أكبر خطأ
ربك رحيم
لو كان صحيح قلبك سليم
إرمي السلام ؟
واستغفر الذنب اللى كان
وقت الغضب
طبطب على ظهر اليتيم
خليك حكيم
اعلم تعي
ان النهايه بتبدي
لما الحرام اصبح حلال !
والدم حل فى ارضنا !!!
اخلاقنا فين ؟
الرحمه فين ؟
فين احترامنا لربنا !!!
استغفر الله العظيم
اصبحنا بين حقد ونفاق
ظلم وظلام
رهب وخطر !!!
ضد القانون نطق الكلام !
وقلوبنا أقسى من الحجر !
بنخون حلال !
ندفن جمال !
نقبل قانون الإحتلال !!!
تاركين يمين !
سالكين شمال !
نتعشا نوم ، نفطر سهر !
الفتنه بين " قمع وجبان "
الحق فين ؟
فين الآمان !
الظلم ليه ؟
الكل فان
لو كان مؤنث او ذكر
احلامنا شهوة دنيا ليه
والدنيا فانيا يا بشر !
..........
ضياء الإدريسي