الشعر وطى دماغة
والقوافى دمعت
والمجازات الجديدة بلمت
لما ارتجالات الامل
قفلت بيبانها وروحت
وبدأ التاريخ يتعرى قدامنا
ويكشف عورته
---
زينب
يا قديسة
يا أخر نسل الصالحين فى الارض
يا بنت نور الحلم والملكوت
ابعتى روحك
تزيح العتمة جوايا
تفك لسانى من سجنه
اتحدى بيها الخوف
ابعتى روحك
تنورلى الطريق افراح
سبتينى ليه
تسلمنى جراح لجراح
عايش فى بيت الرعب متكتف
مشايفش غير أشباح
يا ثمرة التفاح
ابعتى روحك
انا نفسى ارجع اكتشفنى من جديد
----
كانت عينيكى مدرسة
حصصها بالمجان
مفتوحة حدود لحدود
كتب التاريخ والفلسفة
من بين ايديكى تجود
مين اللى لم العلم
بعد اما كان مفرود
مين اللى ضرب الجرس
واعلن نهاية الحصة
لسه انا لسه
ماحفظش م الدرس غير عنوان
يا مبعترة الاحزان
على شط الوجع
انا شكلى هسقط كدة
ليه تفوتينى بليد
وتدى الدروس للدود
- زينب يا شعله نور
يا توب جميل كستور
كشفتى ليه المستور
وسبتينا نتعرى
قلب البحور بيفور
بالحزن وبيكتب
فوق جبين الكل
اعلان عن ضعفنا
وخيبة الثوار
يمكن تسامحينا
يا فايحة بالاسرار
ممكن نسامح نفسها
لو اخدنا يوم بالتار
ولا خلاص زمن السماح انتهى
معادش فاضل
من جنتك غير نار
والقوافى دمعت
والمجازات الجديدة بلمت
لما ارتجالات الامل
قفلت بيبانها وروحت
وبدأ التاريخ يتعرى قدامنا
ويكشف عورته
---
زينب
يا قديسة
يا أخر نسل الصالحين فى الارض
يا بنت نور الحلم والملكوت
ابعتى روحك
تزيح العتمة جوايا
تفك لسانى من سجنه
اتحدى بيها الخوف
ابعتى روحك
تنورلى الطريق افراح
سبتينى ليه
تسلمنى جراح لجراح
عايش فى بيت الرعب متكتف
مشايفش غير أشباح
يا ثمرة التفاح
ابعتى روحك
انا نفسى ارجع اكتشفنى من جديد
----
كانت عينيكى مدرسة
حصصها بالمجان
مفتوحة حدود لحدود
كتب التاريخ والفلسفة
من بين ايديكى تجود
مين اللى لم العلم
بعد اما كان مفرود
مين اللى ضرب الجرس
واعلن نهاية الحصة
لسه انا لسه
ماحفظش م الدرس غير عنوان
يا مبعترة الاحزان
على شط الوجع
انا شكلى هسقط كدة
ليه تفوتينى بليد
وتدى الدروس للدود
- زينب يا شعله نور
يا توب جميل كستور
كشفتى ليه المستور
وسبتينا نتعرى
قلب البحور بيفور
بالحزن وبيكتب
فوق جبين الكل
اعلان عن ضعفنا
وخيبة الثوار
يمكن تسامحينا
يا فايحة بالاسرار
ممكن نسامح نفسها
لو اخدنا يوم بالتار
ولا خلاص زمن السماح انتهى
معادش فاضل
من جنتك غير نار