وحشانى ياخالة أم "خضير"...
وحشانى ياخالة....
ياعزيزة النفس ياحمالة.....ياطاحونة الخير..
وواحشنى رغيف عيشك ل أسمر
وإن بات أسبوع بيكون طازة ويادوبك بس بيتقمر
وواحشنى الفول م الفوالة....والكوز المليان م البير..
والقمح ف بق العصافير....
وحصيرة الجبنة المعمولة م اللبن الرايب
ب الحب اللى مالهوش ضرايب
ولا كان مستنظر شكران
مين فينا كان نام ف القاعة....ومانمش بحضنك دفيان..!!!!؟
من ساعة ماسافرت وسيبتك..
والدنيا بتدينى مقالب....
وبأنام متغطى وبردان.......!!!!!
فاكرة السنارة الخرزان....!!!!؟
كانت بتجيب أجدع سمكة...من غير مايكون ليها مخالب
أو حتى بتجرح مصران
الخير كان ملو السحارة
ماكنتش بتفرق مين كسبان أو مين خسران...
دلوقت إنقطع اللى مابينا...وإنقطعت برده السنارة
والسمكة مش لاقية مكان...
أنا ساكن ف أكبرها عمارة....
ماعرفش ولا واحد فيها واﻹسم إن إحنا جيران
إزيك وإزى إيمان......؟
وحشانى ياخالة....
ياعزيزة النفس ياحمالة.....ياطاحونة الخير..
وواحشنى رغيف عيشك ل أسمر
وإن بات أسبوع بيكون طازة ويادوبك بس بيتقمر
وواحشنى الفول م الفوالة....والكوز المليان م البير..
والقمح ف بق العصافير....
وحصيرة الجبنة المعمولة م اللبن الرايب
ب الحب اللى مالهوش ضرايب
ولا كان مستنظر شكران
مين فينا كان نام ف القاعة....ومانمش بحضنك دفيان..!!!!؟
من ساعة ماسافرت وسيبتك..
والدنيا بتدينى مقالب....
وبأنام متغطى وبردان.......!!!!!
فاكرة السنارة الخرزان....!!!!؟
كانت بتجيب أجدع سمكة...من غير مايكون ليها مخالب
أو حتى بتجرح مصران
الخير كان ملو السحارة
ماكنتش بتفرق مين كسبان أو مين خسران...
دلوقت إنقطع اللى مابينا...وإنقطعت برده السنارة
والسمكة مش لاقية مكان...
أنا ساكن ف أكبرها عمارة....
ماعرفش ولا واحد فيها واﻹسم إن إحنا جيران
إزيك وإزى إيمان......؟
ياسلام عليك ....عذوبة الموسيقى وسلاسة الكلمات واختيار مفردات من قاع الريف المصرى واتساق السباق مع اللحاق والصور الشعرية المنمقه تدل على شاعر قدير
ردحذف