مدي الخطي
ده الليل بيترجي الضحي
والنور حلف مايجيش
وبيسلم سنينك للرحي
من بين دراج المشرحة
شفتك
لكن ماعرفتنيش
ما بتتمحيش
الضلمة ف عيون العجايز
واللي جايز
ينقعوا العمر اللي فاضل
جوه وكر القوادين
والمربوطين ف الساقية راضين
بالشقا
والرقاصين. والطبالين
والمحنيين للمسخرة
فماتبخسيش حق الخطي
وماتدفعيش تمن الحنين
الموت
ولابد بين قلوب المطحونين
لامم عيالك بين حيطان المقبرة
تلاقيه معشش ف الطرق
لسعة عمود
غرقة ف مطر
او حتي تمن التذكرة
........
محمد الطنطاوي