الخط ده خطي
يشهد علي شهادتي
لو أنكروه الرمم
أو أنسبوه للعدم
إوعاكِ تتخطي
حد الظنون وانتي
حضناني فـ. ولادتي
واتأكدي إنك..
نور عيني وعشيقتي
..........
إياك تقولي غاب
أخده الهوي أو خاب
ساعتها هاجني العذاب
ويكون لفنني المسد
للروح كمان والجسد
ويشتكيكِ التراب
من فوقي ومن تحتي
.........
إوعاك ف يوم تنحني
أو معصمك ينتني
لو دوقوكِ المرار
أو عذبوك بالنار
همي لأخد التار
أحسن مايوم تندمي
ويشوهوا صورتك
ولباسك المريمي
............
هبي في وجه الريح
بقرار جريء وصريح
عُمْر الشيطان دا قبيح
رايد لنا التدبيح
وما كان ولي أو نبي
دا اصله جني شقي
فسق...عن أمر الإله
من بعد ما عللاه
مغرور..وجهنمي
........
كونيله بالمرصاد
واجهي العناد. بجهاد
واوعاك ف يوم تهمدي
ووصيتي ليكِ
بصيلي بعنيكي
تلقي اللي حواليكي
مابيعشقوك قدي
........
حاسبي كدا وهدي
وارتاحي واتمدي
واوعاكِ تتعدي
حد الظنون وانتي
حاضناني ف ولادتي
وتعرفي إنك
مهما أغيب عنك
نور عيني وحبيبتي
وانتِ الهوي وشطي
والخط. ده.....خطي
...............
جمال نصر