علشان تعيش من غير وجع
اوعاك تخاف
صاحب حياتك بالضمير
خليك كبير وقت الخلاف
الزم حدودك بالأدب
احزر لتكفر بالسبب
اكسر غرورك بالنسب
خليك حكيم وقت الغضب
خليك كمان حضن الدفى
لحنك شفا
خليك كتاب المعرفه
حصنك أمان
خليك كيان يحمي الضعيف
شهم وشجاع حر وشريف
خليك عفيف
ظلك خفيف
احلم سلام بين الأنام
طأطأ على ظهر اليتيم
ادخل فى صف المسلمين
خليك امين قلبك سليم
ربك كريم
أكبر كبير _ أرحم رحيم
فلتستعين
بالله " معين " خليك شديد
صعب ومتين
اصلح مابين الناس تعيش
فرحان سعيد
خليك ولد
لو شوفت حرمه بتنتهك
قوم اعترض
والاعتراف وقت الغلط
طبع الأصيل
رد الجميل خليك جميل
والإتهام : محتاج دليل
والإنتقام : ليه البديل
شرع وقانون
احزر تخون
ربك خبير
عالم بأسرار الضمير
الغدر نار
والحب خير
حب الحياه إعشق وغير
الحقد ليه !
والحمد فين !
والكره ليه !
والحب فين !
والظلم ليه !
والعدل فين !
مين اللى خان ؟
مين الأمين ؟
اصبر على هم السنين
اضحك لبكرا لو بعيد
لازم يكون عندك أمل
حب العمل
لو كان حلال
لازم تكون قد السؤال
انهي الجدال
يا " محترم "
أنشر سلام بين الأمم
علشان تعيش من غير وجع
........
ضياء الإدريسي