ماشي غريب ...بقلم الشاعر المتميز / راضي علي الطهطهاوي

أنا ماشى غريب...والشمس تغيب
باصرخ يا حبيب
مش لاقى ملامح فى طريقى
=
أنا جيت سواح....وقمر روَّاح
وشجن فوَّاح
مش قادر أبلع أنا ريقى
=
وكتبت فنون ...وسهر ف عيون
والليل مجنون
والحلم ملعلع فى بريقى
=
وامشيت تعبان...أمضغ ف لبان
وقفلت بيبان
و يا سكة مالك بتضيقى
=
اشتقت إليك.........وندهت عليك
خطفتنى عينيك
ومليت من حبك ابريقى
=
أنا ماشى وحيد ...والضى بعيد
وغزالى شريد
عطشان لحنانك يا رفيقى
...
أنا حبى خضار. ..أبيض وسمار
والقسوة دى نار
والشوق بيلهلب فى حريقى

=
وعزفت كلام.....وباشوف أحلام
لحن فى افلام
وغرامى لقيته دا حقيقى
............
راضي علي الطهطاوي