ضحكة عينيكي اتأخرت
فرحة قليبي اتبخرت
أحلام كتيرة حلمتها
في طريقها ليا اتعثرت
ولحد إمتي قولي لي شمسك
راح يغطيها السحاب
وانا اللي كنت احلم تكوني
ياروحي كما قال الكتاب
لحد إمتي تكسري
في الضهر فقرات الشباب
ولحد إمتي انا هانحني
واقول لعمري ظلمتني
وانا عمري نقطة ف بحر عمرك
ماتساويش
أعمار كتيرة بتحصديها ف سكتك
فسيبيني قبل مااموت اعيش
ماهو لو ماليش انا قيمة عندك
إنتي عندي ماتساويش
.. لكن برغم دا كله وقت الجد
روحي تهون فداكي يانن عينى
إنما انتي
ماتهونيش .
*****
شعر/ على جامع
شعر/ على جامع