أحب أتنين ..
ولينا ف دنية العشاق
حاجات ياما ..
مكناش .. زى أى اتنين ..!!
ف لهفة وشوق ... ودوامة
بتسحبنا .. مابين طريقين ..!!
ويوم نقدر .. ونتماسك
ويوم نضعف .. ونتفرق
وماتشوفبنيش بإحساسك
كأن الحب ف الأيام دى بيفرق ..!!
ف أى اتنين ..!!
ومهما البعد ... غيرنا
مكناش .. زى اى اتنين
ولا ح نكون ...
ولاينفع نكون غيرنا ..
أحب أتنين ...!!
أنا وانتى ...
ومش أى الكلام ينقال
عليكى انتى
ياأخر مينا ف الترحال
يافاتحة القلب وسكنتى
يالون الورد .. طعم التوت
ياآخر حضن ف الملكوت
تهون الدنيا لو هونتى ..!!
ومهما البعد ... غيرنا
مكناش .. زى اى اتنين
ولا ح نكون ...
ولاينفع نكون غيرنا ...
أحب أتنين ...!!
.............
سعيد شكري