البعاد عنه مذلة ... بقلم الزجال / محمد سيد سرور

ياللي قلبك ناسي ربه
عمره ما اتعلق بحبه
عمره ما اتقايل فى دربه
وهو فاتحلك بيبانه

انت تعصي وهو ساتر
انت تنسي وهو فاكر
يرزقك ولسه ناكر
امتي يوم تخلص عشانه
هو بيحبك وانت
في المعاصي زي ما انت
امتي هتعود تاني امتي
فرصتك دا الموت اقبالك
دنيا ياللي ماسكلي فيها
بيعها اوعي تشتريها
في النهايه هتلاقيها
فانيه اخرتها المهالك
نقي قلبك م الذنوب
التجئ لله وتوب
خلي حب الله يدوب
جوه منك عيش في حبه
دا البعاد عنه مذله
والشيطان عمره ما علا
والله محروم منه والله
اللي مش عايش فى قربه
..........
الزجال
محمد سرور