المهم انك بتضحك
المهم انك سعيد
رغم انى بدوب ف جرحك
شوق هواك عمال يزيد
ياللى قلبى عاش عشانك
كنت تقسى وبردو صانك
ياللى لمحه من حنانك
تسوى عندى حاجات كتير
المهم انك بخير
.............
رغم انى بكيت ساعتها
لما قولتلى الوداع
رغم سهر الروح ليلتها
والهنا اللى ف يومها ضاع
ايوه لسه ف قلبى ساكن
لسه صورتك ف الاماكن
سبتنى للجرح لكن
حبك الحب الاخير
المهم انك بخير
.........
رغم ليل الوحده قلبى
نفسه ينبض بين اديك
لو ف مره فوت جنبى
يعلى ويضلل عليك
طول ما قلبك انت راضى
مش مهم تكون قصادى
حتى سهدى بردو عادى
مهما جرحى كان كبير
المهم انك بخير
......
عماد الدين علي