يا مخدة تعالي راح احكيلِك
على سِر خَطير
أنا روحي فِعلا مَبسوطة
والسِّر ف بير
أنا شُوفت ف حِلمي خُيوط من ضَيّ
والنَبض ف روحي لسَّاه حَيّ
طَرَحِت شرايني فَرَح مَبسوط
وكلام وبيُوت
وسطور حَواديت مَاليانة ورود
وشوارع حُب وحَب وغيط
وأراضي بتطرح بس خدُود
مَرسوم بالشُّوق علىٰ بابها حروف
وحَنين وحنان وسعادة وخوف
وعيون من فَرحَها تُبدُر ضِحك
منين ماتروح
وجنينة زارِعها حبيبي ريحان
وسَما وشَمسها بتُّدور دوران
وساعات بتنادي على الثانية
لَحَظات هَمَسات وحاجات تانية
والكل بيرقُص من فَرَحُه
بيصالِح العالم ويسامحُه
وانا واقفة قصاد النور لساعات
ايام وشهور وسنين أُلُوفات
كُلَّها بِتمُر علي الثانية
هَمسات..... خيالات
إشهدي علىٰ حِلمي يامخَدَّة
علشان قلبي لَوْ خَدْ وادَّى
هاتكوني شَاهدَة
خلاص يامخَدَّة
هاتكوني شاهدَة
....
منى عبد الرحمن