أنا الصعلوك ف وسط
ملوك ومش دارى
انا اللى فقير و شايف
ناس حساب جارى
انا اللى الدمعة حيرانة
على خدودي
و غصبٍ عنى و بدارى
انا اللى حياتى صفر شمال
بعيش الوهم جوا خيال
انا المنسى انا المطحون
انا الصرخة تهز الكون
انا اللى بقاسى مر مرار
انا اللى نشاطى شعلة نار
و باسعى لرزقى بالمشوار
بصرف منه بالتيلة
وشايل حمل فالشيلة
حياتى صعبة و تقيلة
وشايل همى و العيلة
ووجع الهم ده صاحبى
وصوت الاه بتصرخ بى
بعيد السمع ع السامعين
واكلم مين و يسمعنى
و بيا الكل مش حاسين
ووجع الوحدة بيأثر
و لم هموم و تجرجر
يارب الهمنى صبر جميل
و قوة خيل و اتحمل
وتحلا الدنيا ادامى
ووش العيشة يتجمل
......
محمد البحيري