وليه يعنى حبيتك
مانيش عارف
وليه عشقك مدوبنى
بحبك مهما ضيعنى
هوى قلبك
ومهما خدتنى اوجاعى
مفيش داعى باموت فيكى
ونفسى فى مره ارضيكى
وباسقيكى بدمع العين
واحنيكى وكل يومين
واهز فى روحى بالقاكى
وباهواكى
بحبك زى ماتكونى
وحبك سر فى جنونى
ولو سيبتك فى لحظه
هاموت
وليه مسكالى وف ايدك
كدا النبوت
تقابلى الحب بالقسوه
وبالشلوت
ولو مس الهوى توبك
يدق القلب من خوفك
واجيلك حتى لو زاحف
واكون واقف على بابك
كما الزنهار فى وش النار
وبزرع برضه فى غيطانك
كتير أزهار
واحسك قبل ماتقولى
ومن نظره
والم الخلق فى الحضره
وانا الدرويش
ومن غيرك ماكنش واعيش
دا زى الشهد لو عيشك
بجبنه قريش
ووقت الجد تلقينى
نفر فى الجيش
ولو صورتك كدا مالت
هاقوم ياستى واعدلها
ولو مره الكلاب هاجت
عشانك يامه هاقتلها
ولا تجيلك حدا قصرك
وترقصلك
دا انا اصلك وتفصيلك
ولو ميت هناديلك
فخفى ايديكى
عن قلبى
عشان يفضل
يغنيلك
فخفى ايديكى
عن قلبى
عشان يفضل
يغنيلك
...........
اشرف الشناوى