وحياة الضحكه اللى ف وشك
والطير اللى مـــــروح عشك
ياتقولى منين جبت الفرحه
وعنيك ازاى راضيه وطارحه
اجمل احساس
مـــــــن فين بتزغزغ تقاطيعك
وترش البسمه ف مـــواضيعك
دى الــدنيا جنـــاين فـــ ربيعك
شهد واناناس
على ايه بتفرفـــــــش وتكركر
مــــــــــــن قبل ما تقعد وتفكر
يا ابو ضحكه الذ مـــن السكر
واصفى من الماس
وحيــــاة الطيبه اللى ف عينك
والزرع اللى غرسته ف طينك
يا تقــــولى ازاى عشت سنينك
صدق واخلاص
...........................
وحياة الضحكه اللى ف وشك
والطير اللى مـــــروح عشك
ياتقــــولى منين جبت الفرحه
واجمل احساس
************************
قلم/ حلمى قاسم