انا اللي باشوفني بعيونك 200 اعجاز
ساعات عاشقك ومجنونك وساعة مجاز
باكونلك في الهوى كونك واكون ايوب
ملامحي لونها من لونك وقلبي ازاز
ومش انجاز لو اتوضا تفاصيلك اغنيلك
والم حروفك البهتانة ف حدودي واناديلك
يا عشقي البكر ف ضلوعي وحلقة ذكر
ياخدني الفكر واتغرب واشوفني جوه ترتيلك
قليل الحيلة وعنيكي لروحي السندة والعكاز
ولو يوم جاز تكوني الحضرة وابقالك
من المجاذيب
سنيني تغيب اذا غبتي يا بلسم روحي
واحلى طبيب
تصيب القلب من رمشك سهام العين فيشهقلك
ويرجع يشتهي ضيك ولو هيقولوا مجنونك
هأقول مش عيب
كفاية من البشر انت ملاك روحي وانا ليكي
كصورة بتحضن البرواز
.........
عاطف_حمدان_محمد