حكيم عيون ... بقلم الشاعر الكبير م./ عطية شواش

لو إنتي عايزه تعيطي
ماتعيطي ......
ماتعلفيش الدمع في عيونك
كده
لآ مش كده
ماتحكي ع اللي بيوجعك
أنا حسمعك
لو حب ؟
من فضلك بلاش
او حد لسه ماتنساش
أحسن بلاش
وخساره إن تفضفضي
طب إفرضي ....
إني سمعتك من هنا
وضحكت ع اللي بتقوليه ؟
طب يجري إيه ؟
لو كنت زيك مبتلي
او فرض راجل حنبلي ؟
مش تزعلي ....
جايز فتي
داسك في قلبك بالغبا
أو ربما ....
كانت حياتك موجبه
بالحب صارت سالبه
صليتي للعدرا في معبد رحمته
علي شمعته
كانت دموعك راهبه
مقدرش يفهم نظرتك ؟
ومحبتك ....
كانت بيفهمها غنا
ذل وطيابه ومسكنه
مش ممكنه ...
كل الفساتين اللي صغرت
في الشنط
مستنظره
كل الجزم متغيره
كل المشابك مسطره
كل الكتب ؟
فضيت بتحكي في عنتره ؟
وانتي اللي مش شايفه القمر
إلا ف عيونه الناعسه
صبح ومسا ؟
او تحلمي
لو بس جالك تحلمي
في الحلم طبطب شفتك
حاطط ملايكه في سكتك
وانتي اللي بدك تهربي ؟
طب إشربي
كل اللي حيلتك دمعتين ؟
متحجره
طب نزليهم وافهمي
سيبك من انك تندمي
بس افهمي .. أو جربي
الحب مش فارس حصان
وحتركبي
الحب مش حكمه بتطلع
من نبي
أوقات أوي
يطلع غبي
في حد قبلك جربه
طعمه وحش
وبيوجع المعده
مع الإثني عشر
سم انتشر
في الجته ورم ركبتك
فوقفتي وانتي ملهلبه

مأداف وناقص مركبه
يمكن عشانك طيبه
الدمع برد جتتك
ومخدتك
حضنت دموعك بالدفا
أو منطقك
فلب الحكايه لفلسفه
فصحيتي والحلم اختفي
طب اسمعي
( تلك الحكايه المعجزه )
بنت وولد
اتقابلوا وسط المهزله
والمسأله
واحد في واحد
كت جريمه ومعضله
والصفر حاصل ضربهم
لعب القدر
لعبه وفرق شملهم
ضحكت لهم
ليله وراحت .... حظهم !!!!
فتفرقوا ..
علي الف نيزك في السما
نار انطفت
لوتعرفي باقي الحكايه
حتشمتي ...
لو إنتي عايزه تعيطي
ماتعيطي ...
خللي زكايب هم
مربوطه علي
لا دمع عينك أوله
أو إنتي آخر سائله
الحزن أصبح عائله
بتضمنا
ماتبلي ريقك وابلعي
أو ... بلي ريقك وابلعي
ولا أقول لك ؟؟؟؟؟
إولعي ....
............
م. عطية شواش