ناس حواليا وناس حواليكى
لما شافونى ف حضن إيديكى
قالوا عليا وقالوا عليكى
أحلى مافيا وأحلى مافيكى
حُبِك ليا وحبى أنا ليكى
قالوا دا مغرم قلت أنا بيكى
قالوا متيم قلت شاريكى
قالوا بيحلم قلت اراضيكى
ياإللى الشمس كسوفها دا سببه
----- إنها بصت يوم ف عينكى -------
ناس حواليا وناس حواليكى
قالوا عليا وقالوا عليكى
قالوا عليكى حاجات حبيتها
قبل ما أقابلك وأتمنيتها
وأما قابلتك قالوا لقيتها
دى إللى الشمس ف يوم ما شافتها
طلعة تجرى ومن كسفتها
راحت تشكى لنجمة جارتها
قالت النجمة ساعتها ياريتها
--- كانت ظهرت هنا قبليكى -----
ناس حواليا وناس حواليكى
قالوا عليا زمان و عليكى
قالوا عليا داكان بيحارب
بحر وبر حيتان وتعالب
من غير سيف ولاقلع مراكب
ُ
مفرد حتى مالوش ولا صاحب
غير أحلامه وأمله الدايب
صدفه لقاكى صبحتى القارب
بعد ماكان مغلوب بقى غالب
وصل الشط بفضل إيديكى
ـــــــــــــــــــــــــــــــ
بقلم الشاعر :
أحمد عبد الشافى أحمد