"ممكن احبك " بقلم الشاعر الكبير / محمد البنا

إنتي يا أنتي
آخر حب ف عمري الباقي
ومش راح ألاقي
مهما أدوّر
ولا أتصور غيرك إنتي
تبقى حبيبتي
إنتي يا إنتي
حب حياتي
وبعد مماتي هأحبك إنتي
إنتي يا إنتي
ريحتك....عطري
صدري بينبض من أنفاسك
قلبي العاشق كل حواسك
قال ...بيحبك
دوّب روحه وحنين روحه
ف أطراف كاسك
لما شفايفك مسّت قلبه
ملقاش جنبه
غير أشواقك
إنتي يا إنتي
ممكن أشوفك ؟
ممكن قلبك يسمح يعني أشاغل طيفك ؟
ممكن أحبك أكتر وأكتر ...وتحبيني ؟
...............
محمد البنا