الاولة اه ...والتانيه اهـ والتالتة أهـ بقلم الشاعر الكبير / محمود وحيد

الأوله أهـ..أرضى وفيها غريـــــب
التانية أهـ..رافضة جراحى تطيب

التالتة أهـ..لا فيه خجل ولا عيب
الأولة أهـ..أرضى وفيها غريب على لقمتى حافى
التانية أهـ..رافضة جراحى تطيب ولا فيه دوا شافى
التالتة أهـ..لا فيه خجل ولا عيب همى على اكتافى
الأولة أهـ..أرضى وفيها غريب على لقمتى حافى ويا ريتنى لاقيها
التانية أهـ..رافضة جراحى تطيب ولا فيه دوا شافى يارب داويهــــــا
التالتة أهـ..لا فيه خجل ولا عيب شيلتى على اكتافى والهم ماليها
ألأولة..دابت حبـــــــــــال الصبر مش قادر اتحمل
التانية..مش باقى شئ ف العمر لاجل ما نتأمل
التالتة ..كل الطريق متاريس ازاى بقى نكًمـــــل
الأولة أهـ.. والتانية أهـ.. والتالتة أهـ
الأوله ..لله وكٍلت أمرى إليه وانا بردو باهــــــــــــــواكى
التانية..لله هادعى وانادى عليه يا بلادى يرعاكـــــــى
التالتة .. بالله أقسمت روحى تهون لاجلك وما انساكى
الأولةأهـ..التانية أهـ..التالتة أهـ
...................................
محمود وحيد