أوراقه مقلوبة
أنفاس تعد الآه
بالثانية محسوبة
لا يفيد معاه الطرح
و لا حاصل القسمة
و منايا يجي الموت
ساعة رضا وتوبة
أول سطور الكتاب
نقطة و كام دايرة
و علامة استفهام
و قلوب ف ليل حايرة
و مراكبي من حِمْلها
دفتها مكسورة
تايه في بحر الشجن
جـُوَّة القلق دايرة
إكتب يا طول الأسى
موال بـُكا لوعتي
و ارسم مشاهد حياة
بسيناريوهات بلوتي
و شـِدّ حبل الستار
تسمع صدى قصتي
ــ 1 ــ
كاسات ملاها الصبر
و زماني كان سقـَّا
و سنين حياتي تمـُر
ما اقدرش اقول لأة
آلام تجر آلام
أحزان بتتبقى
ــ 2 ــ
و أنين يشق الليل
وساعات تدقّ حِداد
وعيون ناسيها القمر
ضلت ف وسط بلاد
لو تشتهي فرحها
تنزل دموعها سَواد
ــــــــــــــــــــــــــــــــــ
علي نوح