نفسى أخرج
جوه منّى
وتبقى فسحه !!
اصلى بافرح
لمّا اشوفنى
بألقى نفسى
...............
عامل ايه ؟!
ليه ما جيتشى
صوتى بيجاوب ف همسى
واقعد اتكلم وأبكى
اصلى عارف
إنـّى عايش بس وحدى
وان بكره زى أمسى
............
الهدوم نفس الهدوم
الهموم نفس الهموم
واللى اقابله هو ..هو
كل ساعه وكل يوم
نفسى اعمل شىء جديد
نفسى اسيب الدنيا وامشى
نفسى اغيّر من طباعى
نفسى اغيّر من ملامحى
نفسى احضن مره فيّا
ارضى عنّى
نفسى اقول للنفس سامحى
نفسى اتصالح معايا
نفسى اداوى بنفسى جرحى
............
أحمد حسن عمر